ہوں تو عاشق مگر اطلاق یہ ہے بے ادبی ۔ مومن خان موؔمن

شاعر: مومن خان مومن

تضمین بر : مرحبا سید مکی مدنی العربی ۔ جان قدسی

نعتِ رسولِ آخر صلی اللہ علیہ وآلہ وسلم

ہوں تو عاشق مگر اطلاق یہ ہے بے ادبی

میں غلام اوروہ صاحب ہے ، میں امت ، وہ نبی

یا نبی یک نگہ لطف بہ امی وابی

" مرحبا سید مکی مدنی العربی

دل وجاں باد فدایت چہ عجب خوش لقبی "

مظہرِ نور خدا ، شکل ہے محسودِ صنم

محو تیرے ملک و حور و پری وآدم

کیا ہی عالم ہے کہ تصویر ہی کا سا عالم

" من بیدل بہ جمالِ تو عجب حیرانم

اللہ اللہ چہ جمال است بدیں بوالعجمی "

دشتِ عالم میں سراسیمہ گزاری اوقات

آج تک منزلِ مقصود نہ پائی ہَیہات

مدد اے خضرِ کرامت کہ نہیں پائے ثبات

" ماہمہ تشنہ لبانیم وتوئی آبِ حیات

لطف فرما کہ زحد می گزرد تشنہ لبی "

خود کہا ابن ذبیحین تو ظاہر میں کہا

جوہرِ پاک کی خوبی ہے فرشتوں سے سوا

سر سے لے پاؤں تلک نور خدا ، نامِ خدا

" نسبتِ نیست بہ ذات تو بنی آدم را

برتر از عالم و آدم تو چہ عالی نسبی "

صاحبِ خانہ سے ہوتا ہے مکاں کا اکرام

وہی جنت ہے جہاں میں ہو جہاں تیرا مقام

آب ہر چشمہ کرے کوثروتسنیم کا کام

" نخلِ بستان مدینہ زتو سرسبز مدام

زاں شدہ شہرۂ آفاق بہ شیریں رطَبی "

ہوئی انجیل کہاں ناسخِ توریت وزبور

تیری خاطر سے خدا نے یہ نکالا دستور

ہے رعایت تری ہر بات کی کتنی منظور

" ذات پاک تو دریں ملک عرب کردہ ظہور

زاں سبب آمدہ قرآں بہ زبانِ عربی "

کرسکے پایۂ عالی کو ترے کون ادراک

تیرے درجے کو نہ عیّوق ہی پہنچے ، نہ سہاک

گرچہ کافی تھی فضلیت کو حدیثِ لولاک

"شبِ معرا ج عروجِ تو گذشت از افلاک

بہ مقامے کہ رسیدی نہ رسد ہیچ نبی "

جوش میں شوق کے کچھ یاد رہی مدح نہ ذم

یہ نہ سمجھے کہ یہ کیا جاے ہے اورکیا ہیں ہم

خود ستائی ہے زبس رسمِ فصیحانِ عجم

" نسبت خود بہ سگت کردم وبس منفعلم

زاں کہ نسبت بہ سگِ کوے تو شدبے ادبی "

موؔمنِ زار کی صحت کا نہ تھا کچھ اسلوب

نہ دوا اور نہ پرہیز ، مرض حرصِ ذنوب

پرترا لطف ہے اعجاز مسیحا سے بھی خوب

" یا طبیب الفقرا انت شفاء لقلوب

زاں سبب آمدہ قدؔسی پئے درماں طلبی "

مرحبا سید مکی مدنی العربی اصل کلام اور تضامین

اصل کلام : مرحبا سید مکی مدنی العربی ۔ جان قدسی مرحبا سید مکی مدنی العربی ۔ تضمین از غالب سرورا! تو وہ نبی جس کے نہیں بعد نبی ۔ بہادر شاہ ظفر اے شہِ کون و مکاں، ذات تری صلِّ علٰی ۔ کفایت علی مراد آبادی اے کہ ہے ختم تری ذات پہ والا نسبی ۔ منوؔر بدایونی کس کا منہ ہے جو کرے مدح تری میرے نبی ۔ شہزادی کیؔفی ہوں تو عاشق مگر اطلاق یہ ہے بے ادبی ۔ مومن خان موؔمن تجھ پہ قرباں ہوں میں اے ہاشمی ومطلبی ۔ نواب اختر محل بیگم اختؔر

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ