قبولیت کا یہی طریقہ نکالنا ہے ۔ عبدالرحمان واصف
نعت کائنات سے
نظرثانی بتاریخ 02:26، 17 مئی 2018ء از ADMIN (تبادلۂ خیال | شراکتیں)
شاعر : عبدالرحمان واصف
نعت ِ رسول ِ کریم صلی اللہ علیہ وآلہ وسلم
قبولیت کا یہی طریقہ نکالنا ہے
مجھے مدینے کی سمت رستا نکالنا ہے
درود پڑھ کر تمام کرنا ہے تیرگی کو
درونِ دشتِ غبار، دریا نکالنا ہے
بسا کے رکھنا ہے دل میں ان کی محبتوں کو
سوائے عشقِ رسول جو تھا، نکالنا ہے
کہ جس کو سن کر پیمبرِ کائنات خوش ہوں
سخن سرائی میں ایسا لہجہ نکالنا ہے
نگاہ و دل میں ہو جاگزیں صرف ان کی چاہت
نگاہ و دل سے فریبِ دنیا نکالنا ہے
جو داغ دل پر حصولِ دنیا کا لگ چکا ہے
وہ داغ اب دل سے رفتہ رفتہ نکالنا ہے
مجھے شہِ انبیاء کی مدح و ثناء کو لکھ کر
سیاہ الفاظ سے اجالا نکالنا ہے
پیشکش
مزید دیکھیے
اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔ |
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659 |
نئے صفحات | |||||||
---|---|---|---|---|---|---|---|
|