قلم نے لوح پر نام محمد جب لکھا ہو گا۔ غلام سرور لاہوری

"نعت کائنات" سے
نظرثانی بتاریخ 09:27, 16 فروری 2019 از ADMIN 2 (تبادلۂ خیال | شراکت)$7

(فرق) ←پرانی تدوین | Approved revision (فرق) | حالیہ نظرثانی (فرق) | →اگلا اعادہ (فرق)
:چھلانگ بطرف رہنمائی, تلاش

شاعر: غلام سرور لاہوری

نعتِ رسولِ آخر صلی اللہ علیہ وآلہ وسلم[ترمیم]

قلم نے لوح پر نام محمد جب لکھا ہوگا

خوشی سے بڑھ کے فورا شاخ ِ طوبی بن گیا ہوگا


زمیں پر جب محمد مصطفیٰ پیدا ہوا ہوگا

سر ِ چرخ ِ بریں، سوئے زمیں اس دن جھکا ہوگا


جو مقبول محمد ہے وہ مقبول خدا ہوگا

ملا ہوگا محمد سے احد سے کب جدا ہو گا


نبی کا تذکرہ جب اپنی محفل میں ہوا ہوگا

زبان پر سب کے جاری کلمہ ئِ صلی علی ہوگا


در ِ جنت غلامان ِ محمد پر کھلا ہوگا

وہاں رضوان بھی استقبال کی خاطر کھڑا ہوگا


اگر عشق ِ محمد سے کسی کا دل لگا ہوگا

خدا جانے کے وہ ساری خدائی سے جدا ہوگا


ادا جس شعر میں مضمون ِ نعت ِ مصطفیٰ ہوگا

خریداروں کے مجمع میں وہ موتی بے بہا ہوگا


رواں جس دم نبی کے فیض کا دریا ہوا ہوگا

گہر قطرے سے اور ذرے سے سورج بن گیا ہوگا


سخن میری زباں سے آج کل نعت ِ محمد میں

وہی نکلے گا جو عرش ِ معلی پر لکھا ہوگا


مجھے امید ہے سرور شفیع روز ِ محشر پر

کہ وقت ِ بے کسی آخر وہی حامی مرا ہوگا

مزید دیکھیے[ترمیم]

اپنے تازہ کلام اس نمبر پر وٹس ایپ کریں 00923214435273

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔Email.png Phone.pngWhatsapp.jpg Facebook message.png

نئے اضافہ شدہ کلام
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659
نئے صفحات