طلوعِ آفتابِ ہدایت ۔ عاصؔی کرنالی

شاعر: عاصی کرنالی

نعتِ رسولِ آخر صلی اللہ علیہ وآلہ وسلم - طلوعِ آفتابِ ہدایت

حضور صلی اللہ علیہ وسلم کی تشریف آوزری سے پہلے

جب دشنہ دشنہ۔۔۔ دشنہِ مژگانِ تیز تھا

جب شعلہ شعلہ۔۔۔ شعلہِ برقِ ستیز تھا

جب خیمہ خیمہ ۔۔۔خیمہِ مرگ و فساد تھا

جب قریہ قریہ۔۔۔ قریہِ کفرو عناد تھا

جب فتنہ فتنہ ۔۔۔فتنہِ شدادِ وقت تھا

جب نالہ نالہ ۔۔۔نالہِ بیدادِ وقت تھا

جب عقدہ عقدہ ۔۔۔عقدہِ تقصیرِ فہم تھا

جب حلقہ حلقہ۔۔۔ حلقہِ زنجیرِ وہم تھا

جب گوشہ گوشہ ۔۔۔گوشہِ صد انبساط تھا

جب بندہ بندہ ۔۔۔بندہِ عیش و نشاط تھا

حضور صلی اللہ علیہ وسلم کی تشریف آوری کے بعد

اب پردہ پردہ۔۔۔ پردہِ سازِ جمال ہے

اب بادہ بادہ۔۔۔ بادہِ عرفانِ حال ہے

اب جرعہ جرعہ ۔۔۔جرعہِ جامِ الست ہے

اب ذرہ ذرہ ۔۔۔ذرہِ خورشیدِ مست ہے

اب قطرہ قطرہ ۔۔۔قطرہِ اشکِ نیاز ہے

اب توبہ توبہ۔۔۔ توبہِ سوز و گداز ہے

اب غنچہ غنچہ ۔۔۔غنچہِ زلفِ نگار ہے

اب لالہ لالہ ۔۔۔لالہِ رخسارِ یار ہے

اب جلوہ جلوہ ۔۔۔جلوہِ سرو سمن ہوا

اب خندہ خندہ ۔۔۔خندہِ صبحِ چمن ہوا

اب نعرہ نعرہ ۔۔۔نعرہِ توحید بن گیا

اب سجدہ سجدہ ۔۔۔سجدہِ امید بن گیا

مجموعہِ کلام: مدحت

پیشکش

ابو المیزاب اویس

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ