دل میں جس کے حسین کا غم ہے - رمضان حیدر فردوسی
شاعر: رمضان حیدر فردوسی
دل میں جس کے حسین کا غم ہے
آنکھ اس کی ہمیشہ ہی نم ہے
سنتے ہی تھر تھرا تا ہے ظالم
اتنا نام حسین میں دم ہے
بیٹھنے پر حسین آئیں گر
پھر تو پشت حضور بھی خم ہے
نوکِ نیزہ پہ دی اذان ِحق
اتنا کس کے کلیجے میں دم ہے
میں غلامِ حسین کا نوکر
شرف اتنا ملا یہ کیا کم ہے
بھیجتا ہوں یزید پر لعنت
بے عدد روز روز پر کم ہے
آو ہم ذکرِ کربلا کر لیں
زخمِ دل کا یہی تو مرہم ہے
آخ تھو منہ پہ ہر یزیدی کے
بس ارادہ یہی مصمّم ہے
بن گیا جو حسین کا نوکر
محترم ہے وہی معظّم ہے
خاک پائے حسین پر حیدر
رفعتوں کا جہان بھی خم ہے
مزید دیکھیے
اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔ |
"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659 |
نئے صفحات | |||||||
---|---|---|---|---|---|---|---|
|