مناظر حسن اشرف

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعت خوانی کی تمام روایتوں کی پاسداری کرنے والے خوش الحان خوش آہنگ ممبئی کے عظیم نعت خواں سید مناظر حسن اشرف کا تعلق کچھوچھہ شریف ،فیض آباد، اترپردیش سے ہے آپ 3 مارچ 1963 کو کچھوچھہ شریف سادات گھرانے میں پیدا ہوئے آپ نے ابتدائی تعلیم ایم جی ایس انٹر کالج دولہو پور کلاں اکبر پور فیض آباد میں حاصل کی اس کے بعد اعلیٰ تعلیم کے لئے علی گڑھ مسلم یونیورسٹی میں داخلہ لیا نیز تعلیمی سلسلہ جاری رکھتے ہوئے آپ نے (ایم بی بی ایس_ایم ڈی )کی ڈگری حاصل کی آپ پیشے سے ڈاکٹر اور پیتھا لوجسٹ ہیں

نعت خوانی کا سفر

آپ خانقاہ اشرفیہ کے اس خانوادے کے چراغ ہیں جسکے جد امجد تارک السلطنت حضور مخدوم سلطان سید اشرف جہانگیر سمنانی رحمت اللہ علیہ ہیں، 650 سالوں سے آباد اس خاندان میں ہر بچے کی آنکھ جو کھلی تو اپنے بڑوں کو عالم پیر و صوفی کی شکل میں دیکھا۔ کانوں میں جو پہلی آواز آئی تو اذان و تلاوت قرآن و حمد و نعت کی آواز آئی ۔ یہی سعادت آپ کو بھی حاصل ہوئی ۔ لہٰذا گھر کے مذہبی ماحول نے آپ کو نعت خوانی کی طرف مائل کیا تقریباً 12 سال کی عمر میں پہلی بار حضور محدث اعظم ہند کے عرس کے موقع پر کچھوچھہ شریف میں ڈاکٹر سید امین اشرف کی کہی ہوئی منقبت آپ نے پیش کی جس میں ہندوستان کے بہت ہی معروف شعراء موجود تھے آپ کی پرسوز آواز و انداز سے لوگ اسقدر متاثر ہوئے کہ ہر سال آپ کو خصوصیت کے ساتھ نعت خوانی کے لئے مدعو کیا جانے لگا ، نیز ہر سال آپ نے اپنے منتخب کلام سے اور اپنی بنائی ہوئی نئ نئ طرزوں سے سب کے دلوں میں ایسی چھاپ چھوڑی کہ آپ کی پڑھی ہوئی نعتوں کو آپ کے انداز میں نہ صرف مدرسوں کے طلبا پڑھتے ہیں بلکہ بڑے بڑے شعرا اور مولوی حضرات بھی آپ کی پڑھی ہوئ نعتوں کی نقل کرتے ہیں،

دوران تعلیم

علی گڑھ مسلم یونیورسٹی میں دوران تعلیم آپ کا رجحان غزل گائکی کی طرف زیادہ تھا اس کی وجہ یہ تھی کی یونیورسٹی میں بیشتر احباب غزل گائکی ہی پسند کرتے تھے آپ فرماتے ہیں میں یونیورسٹی میں جس وقت پڑھ رہا تھا کلاسیکل موسیقی کی جانکاری رکھنے والے چند استاد بھی موجود تھے جنکو سننے کے بعد کلاسیکل سنگیت سیکھنے کا مجھے بھی شوق پیدا ہوا ، چنانچہ میں نے استاد قمر محمد خان کی شاگردی اختیار کی اور ان کے زیر سایہ تقریباً تین سال تک کلاسیکل موسیقی کی تربیت حاصل کی ،درمیان میں غزل کے ریاض کے ساتھ نئ نئ طرزیں بنانا مرے شوق میں شامل ہوگیا ، لیکن فطری طور پر عارفانہ کلام ہی مجھے زیادہ پسند آتا تھا ۔ یوں تو کلاسیکل سنگیت سیکھنا اچھا لگتا تھا لیکن دل کا جھکاؤ ہمیشہ نعت کی طرف ہی رہا۔لہٰذا کلاسیکل سنگیت سیکھنے کا فائدہ یہ ہوا کہ میں جب نعت کی طرف آیا تو مری تمام ریاضتیں نعت خوانی کے کام آگئیں ۔ علاوہ ازیں جب بڑے بڑے نعت خواں کو سنا تو پتہ چلا کہ روایتی طرزوں کے علاوہ دلکش اور دلآویز طرزیں راگوں کی بنیاد پر ہی بنائی جا سکتی ہیں

شعبئہ نعت میں کارکردگی

آپ نے حمد و نعت منقبت کی تقریباً سو سے زائد طرزیں بنائی ہیں جو مختلف راگوں میں ہیں ان نعتوں کو آپ کے علاوہ دگر شعرا اور نعت خواں حضرات بھی نعتیہ محفلوں میں پڑھتے ہیں ، آپ کی بنائی ہوئی طرزوں کے چند نعتوں کے مصرعے ذیل میں ملاحظہ فرمائیں

نعت و منقبت

• روک لیتی ہے آپکی نسبت تیر جتنے بھی ہم پہ چلتے ہیں (راگ پہاڑی)
• کرم یہ مجھ پہ ہمیشہ شہ امم رکھئے (راگ یمن)

• اپنی نسبت سے میں کچھ نہیں ہوں اس کرم کی بدولت بڑا ہوں(راگ پہاڑی)

• جلاتے رہئے سدا مدحت نبی کا چراغ (راگ پہاڑی )

• رخ خدا کے سامنے دل مصطفیٰ کے سامنے (راگ دیس)

• تری مدح خوانی ہو مشغلہ میں ہمیشہ تیری ثنا کروں ( راگ کوشک دھونی)

• جب لیا نام نبی میں نے دعا سے پہلے (راگ مارو بہاگ)
• کرم آج بالا ۓ بام آگیا ہے (راگ پیلو)

• رشتے تمام توڑ کے سارے جہاں سے ہم (راگ درباری )

• اپنے داماں شفاعت میں چھپائے رکھنا (راگ پہاڑی )

• یہ ناز یہ انداز ہمارے نہیں ہوتے (مشر پہاڑی )

• خاک سورج سے اندھیروں کا ازالہ ہوگا (راگ درباری)

• دل میں ہو یاد تری اور گوشئہ تنہائی ہو(راگ چاروکیشی)

• دل و نگاہ کی دنیا نئ نئ ہوئ ہے (راگ باگیشری)

• رب نے سن لی مریےمری فریاد صدا سے پہلے(راگ مارو بہاگ)

• محشر میں کون کس کا بھلا غمگسار ہے (راگ مشر باگیشری )

• چاندنی رات ہے میں ہوں مری تنہائی ہے (راگ یمن)

• وہ کمال حسن حضور ہے کہ گمان نقش جہاں نہیں (مشر پہاڑی)

• عشق بتاں نے صاحب ایماں بنا دیا (راگ دیس)

• [[خدائے برتر وبالا ہمیں پتہ کیا ہے (مشر پیلو)
• لکھے جو مدح تری زلف خم بہ خم کے لئے (راگ تلک کامود)
• نہ کہیں سے دور ہیں منزلیں نہ کوئی قریب کی بات ہے ہے(یمن کلیان)
• تمہاری یاد سے دل کو راحتیں کیا کیا (راگ کوشک دھونی )
• کسی کو کو کچھ نہیں ملتا تری عطا کے بغیر (راگ مشر شنکرا)
• نہ خدارا مجھکو کرنا کسی اور کے حوالے (مشر باگیشری)
• یاد جب مجھکو مدینے کی فضا آتی ہے (راگ یمن)

• لو مدینے کی تجلی سے لگائے ہوئے ہیں (مشر پہاڑی)
• واہ کیا جود و کرم ہے شہہِ بطحا تیرا (اہر بھیرو)
• آپ سا دونوں جہاں میں کوئی آیا ہی نہیں (راگ مدھونتی )
• جو دل کو دے گئ اک درد عمر بھر کے لئے (راگ پیلو)

• ایک بے نام کو اعزاز نسب مل جائے (راگ بھیم پلاسی)
• کبھی زندگی پہ نہ کی نظر کٹی عمر ساری گناہ میں

سادات کچھوچھہ

سادات کچھوچھہ کے جن بزرگوں کے سامنے نعت و منقبت سنانے اور ان سے دعائیں لینے کا آپ کو شرف حاصل ہوا ساری دنیا ان کے نام پر عقیدتوں کے پھول نچھاور کرتی ہے یہ وہ اکابرین اہل سنت ہیں جن کی دینی خدمات کو کبھی فراموش نہیں کیا جا سکتا ان کے اسمائے گرامی ذیل میں ملاحظہ فرمائیں (حضور سرکار کلاں سید مختار اشرف)، (امیر ملت صوفی سید امیر اشرف ) (اشرف العلماء سیدحامد اشرف)، (خطیب اعظم سید شاہ کمیل اشرف) (شہید راہ مدینہ سید انوار اشرف ( مثنی میاں ) (شیخ اعظم سید اظہار اشرف) (مفکر اسلام سید حسن مثنی انور) (،شیخ الاسلام سید محمد مدنی اشرفی) (مجاہد دوراں سید مظفر حسین) ( ،سید امین اشرف) (پی ایچ ڈی انگلش) (حضرت سید وحید اشرف) (پی ایچ ڈی فارسی)، ( سید حمید اشرف(پی ایچ ڈی عربی)، ( صوفی سید جہانگیر اشرف،) (صوفی ملت سید تنویر اشرف) ( غازی ملت سید محمد ہاشمی میاں)، (صوفی باصفا سید محمد جیلانی اشرف،) ان کے علاوہ دیگر اکابرین خانوادئہ اشرفیہ بھی ہیں جن کی طویل فہرست ہے آپ نعت خوانی کے حوالے سے ہندوستان میں علی گڑھ، دہلی، کلکتہ، ممبئی ، گجرات ، و دگر صوبوں کے علاوہ بیرونی ممالک میں بھی دبئ،سعودی عرب،عراق ،میں بطور نعت خواں تشریف لے جا چکے ہیں

تاثرات

آپ فرماتے ہیں نعت کائنات پر میں طویل عرصے سے مختلف شعراء کے کلام پڑھ رہا ہوں میں لفظوں میں بیان نہیں کر سکتا کہ کس قدر میں نعت کائنات کی ٹیم کو دعائیں دیتا ہوں کیونکہ نعت کائنات ایک ایسا سمندر ہے جس نے اپنے آغوش میں نہ جانے کتنے ہیرے جواہرات کو سمو رکھا ہے۔ اس سائٹ کے موجد اور انکے کارکنان نے جس کاوش و محبت سے نعت کائنات کے لئے کام کیا اس کی کوئی اور مثال کہیں دیکھنے کو نہیں ملتی اس بے مثال اور آفاقی کام کے لئے نعت کائنات کی ٹیم کو جتنی مبارکباد پیش کی جائے کم ہے میں نعت کائنات کے ایڈیٹر ابوالحسن خاور صاحب اور نعت کائنات بھارت کے رکن عالم نظامی صاحب کا بھی انتہائی ممنون ہوں جنہوں نے نعت کائنات پر نہ صرف مجھے متعارف کروایا بلکہ اظہار عقیدت کا موقع بھی فراہم کیا پوری ٹیم کو نیک خواہشات اور دلی دعائیں

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

سوشل میڈیا کے روابط

• مناظر حسن اشرف کی فیس بک]

مزید دیکھئے

شخصیات  : شکیل جمالی | قمر صدیقی | معین شاداب | افضل الہ آبادی | راحت انجم | عزم شاکری | عالم نظامی | عبید اعظم اعظمی | عاصی بیاروی | انجم بارہ بنکوی | قتیل شفائی | انس نبیل | اسیر برہانپوری | اقبال اشہر | طاہر فراز | زبیر گورکھپوری | محمودالحسن ماہر | سید مناظر حسن اشرف | لکشمن شرما واحد | عزیز نبیل | شکیل اعظمی | | حسن فتح پوری | خالد ندیم | دانش جاوید | نظر بجنوری | کاشف ابرار | ماجد دیوبندی | ہاشم فیروزآبادی | نعیم اختر خادمی | طاہر فراز | لکشمن شرما واحد | عمران عطائی | سید مناظر حسن اشرف | الطاف ضیاء | زبیر گورکھپوری | شکیل اعظمی | حق کانپوری | اجمل سلطانپوری | شبنم جبلپوری | گنیش بہاری طرز | ندیم صدیقی | شعور اعظمی | عرفان جعفری | مشتاق احمد مشتاق | واحد انصاری | صابر فریدی | تبسم عزیزی | شکیل عارفی | جاوید عاصی | حبیب ہاشمی | عقیل نعمانی | ساز الہ آبادی | عمران گونڈوی | اثر صدیقی |

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ

نعت کائنات پر نئی شخصیات
سرور بارہ بنکوی، بارہ بنکی حسن فتح پوری ،فتح پور قمر صدیقی، بھارت مناظر حسن اشرف ، عمر علی شاہ ، لودھراں شکیل اعظمی، الطاف ضیاء، مالیگاؤں عالم نظامی ،ممبئی زبیر گورکھپوری، ممبئی انجم بارہ بنکوی ، بھارت صفدر علی محسن، نقیب مختار تلہری، بریلی رشید وارثی، کراچی

حواشی و حوالہ جات

• یہ صفحہ عالم نظامی نے ترتیب دیا ہے ۔