فرحت عباس شاہ

نعتیہ شاعری

ذات عالی صفات کے صدقے

آپ کی بات بات کے صدقے

روشنی دے گئی شب معراج

دن ملا ہو کو رات کے صدقے

اللہ اللہ مقام کیسا ہے

کائناتیں ہیں ذات کے صدقے

نطق ہوں تیرے نطق پر قربان

ہاتھ ہو تیرے ہاتھ کے صدقے

ہے ازل اور ابد کی جو بنیاد

اس جہان ِ حیات کے صدقے

---

بے قراری بھی ہے مرے مولا

سوگواری بھی ہے مرے مولا

راستے میں رکاوٹیں بھی ہیں

قلب جاری بھی ہے مرے مولا

آپ سے عشق پر غرور بھی ہے

خاکساری بھی ہے مرے مولا

پیار میں ہے دوانہ پن بھی مگر

برد باری بھی ہے مرے مولا

ہے مری ذات خاک ِ پا تیری

غم کی ماری بھی ہے مرے مولا

خوف تو احترام کا ہے مگر

غم پہ طاری بھی ہے مرے مولا

ایک میں ہی نہیں گدا تیرا

دنیا ساری بھی ہے مرے مولا

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعت کائنات پر نئی شخصیات
سرور بارہ بنکوی، بارہ بنکی حسن فتح پوری ،فتح پور قمر صدیقی، بھارت مناظر حسن اشرف ، عمر علی شاہ ، لودھراں شکیل اعظمی، الطاف ضیاء، مالیگاؤں عالم نظامی ،ممبئی زبیر گورکھپوری، ممبئی انجم بارہ بنکوی ، بھارت صفدر علی محسن، نقیب مختار تلہری، بریلی رشید وارثی، کراچی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ