صبا عالم شاہ

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

پروفیسر صبا عالم شاہ کا تعلق انگلینڈ کے شہر شیفیلڈ سے ہے نامور شاعرہ ہونے کے ساتھ ساتھ اعلیٰ تعلیم یافتہ بھی ہیں اور دیگر شعبہ ہائے زندگی میں بھی خدمات انجام دیتی رہی ہیں مختلف یونیورسٹیوں میں تدریس اور ریسرچ سے منسلک رہنے کے ساتھ ساتھ کئی اضافی تعلیمی عہدوں پر بھی خدمات انجام دیتی رہی ہیں اور کئی تعلیمی عہدوں پر منتخب ممبر کی حیثیت سے بھی فرائض انجام دیتی رہی ہیں ۔

کئی بین الاقوامی کانفرنسوں، سیمینارز اور ورکشاپس میں شرکت اور اپنے ریسرچ پیپرز پیش کرچکی ہیں ۔ ان کے کئی کئی تحقیقی مقالے، مضامین اور کالمز شائع ہوچکے ہیں ۔مختلف ٹی وی اور ریڈیو چینلز پر بحیثیت گیسٹ اسپیکر شرکت کرچکی ہیں اس کے علاوہ ٹی وی چینلز پر میزبانی کے فرائض بھی انجام دیتی رہی ہیں

نعت گوئی

بچپن سے گھر میں میلاد شریف باقاعدگی سے منعقد ہوتے تھے بچپن سے ہی عشق رسول اور عشق اہلبیت والدین کی تربیت کی بدولت نصیب ہوا۔ دوران تعلیم کئی نعتیہ محافل میں نعت خوانی کا شرف حاصل ہوا جس سے نعت رسول صل اللہ علیہ وآلہ وسلّم لکھنے اور پڑھنے سے دلچسپی پیدا ہوئی۔ صبا عالم شاہ کی شاعری کا محور عشقِ حقیقی، عشقِ رسول صلی اللہ علیہ وآلہ وسلم اور عشقِ اہلیبیت اطہار ہیں لیکن دیگر موضوعات پر بھی شاعری کرتی ہیں۔ تقریباً تمام اصناف میں شاعری کرتی ہیں ، تصوف ان کی شاعری کا خاصہ ہے۔ مختصر وقت میں نعت گو شعراء میں نہ صرف مقام بنایا بلکہ برطانیہ کی معروف ادبی شخصیات میں بھی شمار ہوتا ہے۔

اعزازت و خدمات

• بیشمار ایوارڑذ، اسناد اور اعزازات کی حامل ہیں۔ لارڈ میئر آف شیفیلڈ سے علمی، ادبی اور دیگر پروگرامز پر بہترین نظامت کا ایوارڈ وصول کرچکی ہیں۔ حال ہی میں پبلش ہونے والی کتاب "یوکے یاترا" میں انکا نام برطانیہ کے ادبی ہیروز میں شامل کیا گیا ہے اوردیگر کئی ادبی کتب (مشاہدات, ادبی قافلہ وغیرہ ) اور ادبی آرٹیکلز ا میں انکی خدمات کو سراہا گیا ہے۔ نثر نگاری اور کالم نگاری بھی کرتی رہی ہیں

• بزم ادب شیفیلڈ کی وائس چئیر پرسن ہیں اور شعورِ نعت فورم برطانیہ میں شعورِ نعت اور تقدیس نعت کے حوالے سے بھی اپنی خدمات پیش کررہی ہیں ۔

• کئی بڑے مصنفین نے اپنی کتب اور ادبی کالمز میں شاعری اور ادبی خدمات کو سراہا ہے۔ جیسے پروفیسر ڈاکٹر خواجہ اکرام کی کتاب مشاہدات، ڈاکٹر تقی عابدی کی ادبی قافلہ، حال ہی میں پبلش ہونے والی کتاب یوکے یاترا میں برطانیہ کے ادبی ہیروز میں نام شامل کیا گیا اور تعارف اور ادبی خدمات پر روشنی ڈالی گئی۔ اسکے علاوہ بھی کئی ادبی کالمز میں ادبی خدمات کو سراہا گیا ہے۔

• دو شعری مجموعے زیر طبع ہیں جو نعت ، منقبت اور تصوف سے متعلق ہیں

دیگر معلومات

پسندیدہ نعت گو"' : نصیر الدین نصیر

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نعت کائنات پر نئی شخصیات
سرور بارہ بنکوی، بارہ بنکی حسن فتح پوری ،فتح پور قمر صدیقی، بھارت مناظر حسن اشرف ، عمر علی شاہ ، لودھراں شکیل اعظمی، الطاف ضیاء، مالیگاؤں عالم نظامی ،ممبئی زبیر گورکھپوری، ممبئی انجم بارہ بنکوی ، بھارت صفدر علی محسن، نقیب مختار تلہری، بریلی رشید وارثی، کراچی