سعود عثمانی

6 دسمبر1958ء کو لاہور میں آنکھ کھولنے والے سعودعثمانی تین بھائی ، تین بہنوں میں پانچویں نمبرپر ہیں۔ آپ کا تعلق ایک مذہبی اور ادبی گھرانے سے ہے ۔ معروف شاعر اور ادارہ اسلامیات کے بانی زکی کیفی آپ کے والد، مفتی رفیع عثمانی و مفتی تقی عثمانی و غیر منقوظ سیرت " ہادی عالم " کے مصنف ولی رازی آپ کے چچا اور مفتی محمد شفیع آپ کے دادا ہیں ۔ سعود عثمانی نے اسلامیہ کالج سول لائنز سے بی ایس سی کے بعد پنجاب یونیورسٹی سے بزنس ایجوکیشن میں ماسٹرز کی ڈگری حاصل کی۔ آپ لاہور کے معروف شعراء میں سے ہیں ۔ نعت کہتے ہیں لیکن ڈرتے ڈرتے ۔ آپ لکھتے ہیں

میں نعت کہتا ہوں اور دل میں ڈرتا رہتا ہوں

کہیں گرفت کسی بات پر نہ ہوجائے

شاعری اور نعت گوئی

ان کے والد زکی کیفی میر، غالب، اصغر گونڈوی، جگر مراد آبادی اور فانی بدایونی کو پسند کرتے تھے، اس لیے ان کے زیراثر شروع شروع میں انھی شاعروں کو زیادہ توجہ سے پڑھا۔ بعدازاں داغ، مومن اور آتش کی شاعری کا مطالعہ کیا۔ جدید شاعروں کو بھی ڈوب کرپڑھا اور معاصر شاعری سے بھی اعتنا کیا لیکن کوشش کی کہ کسی کا بھی اثر شاعری پر نہ آئے۔ ان کے ضرب المثل نعتیہ اشعار دیکھیے

قبول ِ خاطر ِ آقا اگر نہ ہوجائے

وہ نعت کیا جو وہاں معتبر نہ ہو جائے

شاعری کی نماز پڑھتے ہوئے

نعت کہنا ہے قبلہ رو رہنا

حمدیہ و نعتیہ کلام

• وہ صبحِ منوّر مکّے کی 'وہ جگمگ رات مدینے کی

• جو دل کا نور ہے اس خواب پر کروڑوں سلام

• آپ تو جانتے ہیں مرے کرب کو ، آپ سے کیا چھپا ہے بَھلا یا نبی

• بلند ہاتھ میں کاسہ ہے دستِ خالی کا

• رحمت ہے جو کچھ اور سوا ہونے لگی ہے

• کوئی فکر لو نہیں دے رہی ۔ سعود عثمانی

• ہے ایک سیل ندامت اس آبگینے میں

• وہی ہے خوف جو کم مائیگی کا ہوتا ہے

نعت کائنات پر مضامین

- ربنا لک الحمد از سعود عثمانی

معروف رشتہ دار

زکی کیفی | رفیع عثمانی | تقی عثمانی | ولی رازی | محمد شفیع

احباب کی آراء

پرویز ساحر :

حمد و نعت کے خصوص میں بھی سعود عثمانی نے الگ شعری ذائقہ دریافت کیا ' جو انھی سے خاص ہے ۔ ان کی کہی گئی بیش تر نعوت میں خالص اسلامی پس منظر ' قرآنی تفہُّــم اور احادیث ِ مبارکہ کی چَھوٹ نظر آتی ہے ۔ ایسی سبزگی سے بھر پور نعت سعود عثمانی جیسا با سعادت شاعر ہی کہہ سکتا ہے.

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

اس ماہ کی اہم شخصیات
شہزاد ناگی پرویز ساحر اعجاز رحمانی فیض احمد فیض تسنیم عابدی نصیر الدین نصیر لالہ صحرائی اسد اللہ خان غالب ناہید شاہد امیر مینائی جوش ملیح آبادی زبید رسول عتیق الرحمان ریاض الدین سہروردی

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ