اے ختمِ رسل اے شاہِ زمن اے پاک نبی رحمت والے

نعت کائنات سے
Jump to navigationJump to search


شاعر: ناصر کاظمی

نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]

اے ختمِ رسل اے شاہِ زمن اے پاک نبی رحمت والے

تو جانِ سخن موضوعِ سخن اے پاک نبی رحمت والے


اے عقدہ کشائے کون و مکاں ترے وصف نہیں محتاجِ بیاں

عاجز ہے زباں قاصر ہے دہن اے پاک نبی رحمت والے


اے بدر و حنین کے راہ نما اے فاتح خیبر کے مولا

ترا ایک اشارہ کفر شکن اے پاک نبی رحمت والے


تری یاد ہماری شمعِ یقیں ترا نام ہمارا نقشِ نگیں

ترے نور سے ہے ملت کا چمن اے پاک نبی رحمت والے


میں کچھ بھی نہیں مجھے کیا ہے غم جب تیرا کرم ہے شاہِ امم

شاداب ہے میرے تن کا بن اے پاک نبی رحمت والے


پیشکش[ترمیم | ماخذ میں ترمیم کریں]

ابو المیزاب اویس

مزید دیکھیے[ترمیم | ماخذ میں ترمیم کریں]

نعت خوانی کے معروف کلام
نعت کائنات پر نئی شخصیات