خدا کی رحمت سدا ہو خیر الانام تجھ پر ۔ ذوالفقار دانش

شاعر : ذوالفقار علی دانش

نعتِ رسولِ آخر صلی اللہ علیہ وآلہ وسلم

خدا کی رحمت سدا ہو خیر الانام تجھ پر

بہ ہر گھڑی ان گنت درود و سلام تجھ پر

درود تجھ پر ، ہزاروں لاکھوں کروڑوں اربوں

ہر ایک پل ، ہر گھڑی مسلسل سلام تجھ پر

اگر اترتا پہاڑ پر تو پہاڑ جھکتا

مگر وہ سارے کا سارا اترا کلام تجھ پر

میں خود بھی ، قربان تجھ پہ ماں باپ ، میرے آباء

فدا مرے سب سجود تجھ پر ، قیام تجھ پر

امانتوں کو ملی ہے توقیر تیرے دم سے

کھڑا ہوا ہے صداقتوں کا نظام تجھ پر

ترے قدم سے اخذ کئے جاتے ہیں یہ سارے

فدا جہاں بھر کے سارے اعلیٰ مقام تجھ پر

نمود پاتی ہے زیست تیرے غبارِ رہ سے

ہے منحصر کائنات کا سب نظام تجھ پر

کرم نے تیرے رکھا ہوا ہے بھرم وگرنہ

مری یہ جرات کہ لکھ سکوں کچھ کلام تجھ پر ؟

زہے مقدر ، ہوا یہ دانش پہ فضلِ باری

سلام لکھے ، سنے ، پڑھے صبح و شام تجھ پر

مزید دیکھیے

پختہ کار شعراء	نوجوان شعراء
گدا کو دید کا شربت پلا دو یا رسول اللہ ۔ تبسم پرویز قدرت فن سے ہے ممکن نہ ہنر ہے مر ے دوست ۔ سید عرفی ہاشمی متاع ِ نعت میں حرف ِ سپاس رکھتے ہیں ۔ شاہدہ لطیف نگار خانہ ء صد رنگ تھا سخن اسکا ۔ حماد نیازی ہوئی قبول میری ہر دعا مدینے میں ۔ صغیر احمد صغیر عرب سے دور عجم کے کسی دیار میں ھوں ۔ حافظ محبوب احمد انہیں جب یاد کرتے ہیں ۔ پیر سید محمد شاہ ہمدانی	درود مطلع کروں اور تازہ نعت کہوں ۔ رضا اللہ سعدی مدینے میں نوشی، یہ کیا ماجرا ہے ۔ نوشین فاطمہ میں رہ کی خاک بنکر انکے قدموں میں پڑی ہوتی ۔ فوزیہ شیخ نور، خوشبو، حسن اور رحمت کو جب یکجا کیا - احمد وصال