درود مطلع کروں اور تازہ نعت کہوں ۔ رضا اللہ سعدی

شاعر: رضا اللہ سعدی

نعتِ رسولِ آخر صلی اللہ علیہ وآلہ وسلم

درود مطلع کروں اور تازہ نعت کہوں

سلام پڑھتا رہوں اور تازہ نعت کہوں

درِ حبیبِ خدا سے ملا ہے اذن مجھے

خیال غرفہ سے لوں اور تازہ نعت کہوں

مجھے ہے خلعتِ خاکِ درِ رسول بہت

اسے میں سر پہ دھروں اور تازہ نعت کہوں

عطا ہوا ہے مجھے فن حضور کے صدقے

سو جب تلک میں کہوں، اور تازہ نعت کہوں

میں ایک نعت کہوں رات نیند سے پہلے

تو صبح دم جو اٹھوں اور تازہ نعت کہوں

ظہورِ نور ہے جاتا ہوں گلشنوں کی طرف

کہ خوشبوؤں کو چُنوں اور تازہ نعت کہوں

وہ اِک نظر کہ غلاموں کو جو بلال کرے

میں اُس نظر میں رہوں اور تازہ نعت کہوں

مدینہ پہنچوں تو وارفتگی کی حد نہ رہے

گلی گلی میں پھروں اور تازہ نعت کہوں

رضائے سرورِ کونین ہو رضا سعدی

مدینہ جا کہ بسوں اور تازہ نعت کہوں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی