گدا کو دید کا شربت پلا دو یا رسول اللہ ۔ تبسم پرویز

شاعر: محمد تبسم پرویز

نعتِ رسولِ آخر صلی اللہ علیہ وآلہ وسلم

گدا کو دید کا شربت پلا دو یا رسول اللہﷺ

اسے خوابوں ہی میں جلوہ دکھا دو یا رسول اللہﷺ

تمھارے ہجر میں بیمار ہونا جب عبادت ہے

تو میں کیوں کر کہوں مجھکو شفا دو یا رسول اللہﷺ

یہی دل کی تمنا ہے یہی لب کا ترانہ ہے

گدا کو اپنے قدموں میں جگہ دو یا رسول اللہﷺ

خطاکاروں کی یہ بھی التجا ہے نور سے اپنے

اندھیرا قبر کا سارا مٹا دو یا رسول اللہﷺ

زبانیں سوکھ جائیں گرمئ خورشید سے جس پل

مئے کوثر گداؤں کو پِلا دو یا رسول اللہﷺ

جہاں سے ہر گھڑی دیدار ہو بس آپ کا ہم کو

خدارا ! خلد میں ایسی جگہ دو یا رسول اللہﷺ

جو سر پر عاصیوں کے ہر گھڑی دنیا میں رہتا ہے

وہی سایہ ہمیں روزِ جزا دو یا رسول اللہﷺ

کہ جس کے سامنے سب ہیچ ہیں دنیا کی خوشبوئیں

پسینہ وہ تبسم کو سنگھا دو یا رسول اللہﷺ

تبسم چاک دل اپنا قمر کی مثل کر دیگا

محبت سے فقط انگلی ہلا دو یا رسول اللہﷺ

مزید دیکھیے

پختہ کار شعراء	نوجوان شعراء
گدا کو دید کا شربت پلا دو یا رسول اللہ ۔ تبسم پرویز قدرت فن سے ہے ممکن نہ ہنر ہے مر ے دوست ۔ سید عرفی ہاشمی متاع ِ نعت میں حرف ِ سپاس رکھتے ہیں ۔ شاہدہ لطیف نگار خانہ ء صد رنگ تھا سخن اسکا ۔ حماد نیازی ہوئی قبول میری ہر دعا مدینے میں ۔ صغیر احمد صغیر عرب سے دور عجم کے کسی دیار میں ھوں ۔ حافظ محبوب احمد انہیں جب یاد کرتے ہیں ۔ پیر سید محمد شاہ ہمدانی	درود مطلع کروں اور تازہ نعت کہوں ۔ رضا اللہ سعدی مدینے میں نوشی، یہ کیا ماجرا ہے ۔ نوشین فاطمہ میں رہ کی خاک بنکر انکے قدموں میں پڑی ہوتی ۔ فوزیہ شیخ نور، خوشبو، حسن اور رحمت کو جب یکجا کیا - احمد وصال