ہوئی قبول میری ہر دعا مدینے میں ۔ صغیر احمد صغیر

شاعر : صغیر احمد صغیر

نعتِ رسولِ آخر صلی اللہ علیہ وآلہ وسلم

ہوئی قبول میری ہر دعا مدینے میں

میں کیا بتاؤں کہ کیا کیا ملا مدینے میں

میں مانتا ہوں کہ کعبے کی شان ہے اپنی

مگر یہ سچ ہے بڑا دل لگا مدینے میں

میں ایک شام مدینے میں دیکھ آیا ہوں

بڑے ادب سے ہے چلتی ہوا مدینے میں

سکونِ دائمی پوچھا کہاں سے ملتا ہے

تو اک فقیر نے مجھ سے کہا، مدینے میں

وہ عیش و عشرتِ دنیا، تمام لہو و لعب

میں چھوڑ چھاڑ کے سب، آ گیا مدینے میں

وہ کون لوگ ہیں جن کو خدا نہیں ملتا

میں دیکھ آیا ہوں جا کر خدا مدینے میں

وہ کاش خواب نہ ہوتا، صغیر سچ ہوتا

خوشا وہ خواب کہ میں مر گیا مدینے میں .

مزید دیکھیے

نعت ورثہ میں "2017 کی بہترین نعت" کی تلاش میں پیش کیے گئے کچھ عمدہ کلام
نگار خانہ ء صد رنگ تھا سخن اسکا ۔ حماد نیازی جاں کی دیوار گرا دے تو مزہ آجائے ۔ جاوید صدیقی لکھ سکا کب وصف کوئی سید کائنات کا ۔ غلام مجتبی ہاشمی	آپ تو جانتے ہیں مرے کرب کو ۔ سعود عثمانی ہوئی قبول میری ہر دعا مدینے میں ۔ صغیر احمد صغیر سر جھکا کر کھجور کے پودے ۔ شاہد اشرف

• اس انتخاب کا حصہ بننے کے لیے اپنی نعتیں "نعت ورثہ لٹریری ڈسکشن فورم " میں بھیجیں