جاں کی دیوار گرا دے تو مزہ آجائے ۔ جاوید صدیقی

نعتِ رسولِ آخر صلی اللہ علیہ وآلہ وسلم

جاں کی دیوار گرادے ، تو مزہ آجاۓ

موت ! آقا سے ملادے ، تو مزہ آجاۓ

نیند آجاۓ مجھے پڑھتے ہوئے ان پہ درود

اور خدا ان سے ملا دے ، تو مزہ آجاۓ

ہر قدم سجدے کروں اور طواف روضہ

بیخودی ایسا کرادے ، تو مزہ آجاۓ

پھینک دیتے ہوں جسے کھاکے مدینے کے فقیر

کوئی وہ جوٹھا کھلا دے ، تو مزہ آجاۓ

اور کچھ دن ترے محبوب کا روضہ دیکھوں

اے خدا عمر بڑھا دے ، تو مزہ آجاۓ

واپسی کے لئے مجبور کرے جب قانون

عشق طوفان اٹھا دے ، تو مزہ آجاۓ

اب تو "جاوید " مدینے میں ملونگی تجھ سے

یہ خبر ، موت سنادے ، تو مزہ آجاۓ

مزید دیکھیے

نعت ورثہ میں "2017 کی بہترین نعت" کی تلاش میں پیش کیے گئے کچھ عمدہ کلام
نگار خانہ ء صد رنگ تھا سخن اسکا ۔ حماد نیازی جاں کی دیوار گرا دے تو مزہ آجائے ۔ جاوید صدیقی لکھ سکا کب وصف کوئی سید کائنات کا ۔ غلام مجتبی ہاشمی	آپ تو جانتے ہیں مرے کرب کو ۔ سعود عثمانی ہوئی قبول میری ہر دعا مدینے میں ۔ صغیر احمد صغیر سر جھکا کر کھجور کے پودے ۔ شاہد اشرف

• اس انتخاب کا حصہ بننے کے لیے اپنی نعتیں "نعت ورثہ لٹریری ڈسکشن فورم " میں بھیجیں