باعث ِ ہر خیر و برکت آپ ہیں ۔ ندیم نوری برکاتی

نعتِ رسولِ آخر صلی اللہ علیہ وآلہ وسلم

باعثِ ہر خیر و برکت آپ ہیں یا نبی رحمت ہی رحمت آپ ہیں

آپ ہی سے ہے وجودِ کائنات باعثِ ایجادِ خلقت آپ ہیں

آپ کی رویت خدا کی دید ہے جلواگاہِ ذاتِ وحدت آپ ہیں

"ادن منّی" کہہ کے قربِ خاص میں حق نے کی جسکی ضیافت آپ ہیں

قربتِ "قوسین او ادنی" میں کی جس نے خالق کی زیارت آپ ہیں

آپکا حکم اصل میں حکمِ خدا جانِ جاں, جانِ شریعت آپ ہیں

دل کو راحت ہے ندیم اس بات سے شافعِ روزِ قیامت آپ ہیں

مزید دیکھیے

نعت ورثہ میں "2017 کی بہترین نعت" کی تلاش میں پیش کیے گئے کچھ عمدہ کلام
نگار خانہ ء صد رنگ تھا سخن اسکا ۔ حماد نیازی جاں کی دیوار گرا دے تو مزہ آجائے ۔ جاوید صدیقی لکھ سکا کب وصف کوئی سید کائنات کا ۔ غلام مجتبی ہاشمی	آپ تو جانتے ہیں مرے کرب کو ۔ سعود عثمانی ہوئی قبول میری ہر دعا مدینے میں ۔ صغیر احمد صغیر سر جھکا کر کھجور کے پودے ۔ شاہد اشرف

• اس انتخاب کا حصہ بننے کے لیے اپنی نعتیں "نعت ورثہ لٹریری ڈسکشن فورم " میں بھیجیں