تمنا آرزو حسرت مری آنکھوں میں رہتی ہے۔ ظہیر قدسی

شاعر: ظہیر قدسی

پیش کش: مشاہد رضوی

نعتِ رسولِ آخر صلی اللہ علیہ وآلہ وسلم

تمنا ، آرزو حسرت مرے سینے میں رہتی ہے

کروں جب آپ کی باتیں نمی آنکھوں میں رہتی ہے

موجہ کی حدوں میں ہوں کہ ہوں طیبہ کی گلیوں میں

سلام اپنے لبوں پر بندگی آنکھوں میں رہتی ہے

نبی کے در سے واپس آکے ایسا حال ہے اپنا

کوئی بستی ہو طیبہ کی گلی آنکھوں میں رہتی ہے

کسی کے کام آؤں جب کبھی انصار کی صورت

سکوں ملتا ہے دل کو اور خوشی آنکھوں میں رہتی ہے

روانہ کرتےہیں سوے مدینہ جب کسی کو ہم

کرے دل رشک اس پر بے بسی آنکھوں میں رہتی ہے

در اقدس پہ پہلی بار جب حاضر ہوا تھا میں

برس بیتے ابھی تک وہ گھڑی آنکھوں میں رہتی ہے

کبھی طائف ، کبھی خندق ، کبھی کفار کی یورش

مصیبت میں تسلی کو مری آنکھوں میں رہتی ہے

حفاظت دین کی کفار میں گھر کر بھی کرتا ہوں

کہ ایسے وقت تصویرِ علی آنکھوں میں رہتی ہے

عبادت کے وہ دن حرمین میں جتنے بھی گذرے تھے

وہ دن جب یاد آئیں بے کلی آنکھوں میں رہتی ہے

ظہیرؔ اب بھی کہیں فارق مل جائیں تو پہروں تک

سفر کی داستاں لب پر نمی آنکھوں میں رہتی ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی