میں نعت نبی کے باب میں تھا ۔ رحمان حفیظ

شاعر : رحمان حفیظ

نعتِ رسولِ آخر صلی اللہ علیہ وآلہ وسلم

میں نعتِ نبی کے باب میں تھا

"یہ خواب ہی میرے خواب میں تھا"

کونین بھی ہیچ تھے نظر میں

میں پائے ابو تراب میں تھا

سب مدحِِ ِرسول کر رہے تھے

ابلیس ہی پیچ و تاب میں تھا

الفاظ تو گُنگ ہو چکے تھے

خامہ بھی اک اضطراب میں تھا

دل جیسے تھا ادھ جلا پتنگا

اک عالمِ اِلتہاب میں تھا

میں پڑھنے لگا درود ان ہر

یہ شوق مِرے نصاب میں تھا

پھر اذنِ ہنر عطا ہُوا اور

"دیکھا کہ میں اس جناب میں تھا"

اور کتنی ہی دیر تک مرا جی

اس حسن کی آب و تاب میں تھا

حسۤان کے پیچھے پیچھے جائیں

یہ حکم ہمارے باب میں تھا

دنیاوی و دینی و سماوی

جو عِلم تھا اس کتاب میں تھا

چالیس بَرَس تک آنکھ ترسی

خورشید ابھی حجاب میں تھا

اک پل کی حیات پر بھی نازاں

کیا شوق دلِ حباب میں تھا

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی