میں واللہ باغ جنت کے نگینے میں پڑی ہوتی ۔ فوزیہ شیخ

شاعرہ : فوزیہ شیخ

نعت رسول مقبول صلی اللہ علیہ وسلم

میں واللہ ! باغِ جنت کے نگینے میں پڑی ہوتی

جو خاک آسا دمِ آخر مدینے میں پڑی ہوتی

کسی گرداب کا مجھکو نہ ڈر ہوتا مرے آقا

اگر تیرے غلاموں کے سفینے میں پڑی ہوتی

نہ آپ آ تے اگر تو پھر کہاں جاتے یہ رنگ و بو

زمیں کی دلکشی ساری دفینے میں پڑی ہوتی

تری صور ت میں ہی دیکھی ہیں رب کی رحمتیں ساری

نہیں تو رب کی ہر رحمت خزینے میں پڑی ہوتی

جو دیکھا آپ کا نقشِ قدم تو ہوگئ قرباں

وگرنہ جاں بدن کے آبگینے میں پڑی ہوتی

مجھے انکی ثنا خوانی کا گر اعزاز مل جاتا

مری تحریر بھی جنت کے زینے میں پڑی ہوتی

ترے قدموں میں سر رکھ کر مجھے گرموت آجاتی

تری رحمت کے نورانی سفینے میں پڑی ہوتی

---

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی