غلام رسول قادری

پیدائشی نام محمد غلام رسول، تخلص غلامؔ اور قادری نسبت ہے۔ جب کہ شہرت مولانا غلام رسول قادری کے حوالے سے ہے۔ ۱۳۰۶ھ مطابق جولائی ]]1886[[ء میں صدر کراچی (سندھ) میں پیدا ہوئے۔

نعت گوئی

ڈاکٹر شہزاد احمد لکھتے ہیں

مولانا غلام رسول قادری کا شمار قادرالکلام شعرائے کرام میں ہوتا ہے۔ آپ کا حمد و نعت پر مشتمل کلام مقبول بارگاہ ہے۔ آپ کی کہی گی مناقب بھی مقبول عام ہیں۔ آپ کا مزاج حمد و نعت اور مناقب سے خصوصی مناسبت رکھتا ہے۔ آپ کی نعتیہ شاعری جذب و اثر سے پُر ہے۔ سلاست و روانی آپ کے کلام کی بنیادی خصوصیات ہیں۔ آپ کی کہی مشہورِ زمانہ حمد تقریباً محافل کی زینت ہوتی ہے۔

نمونہ کلام

کون و مکاں میں ہے اللہ، دونوں جہاں میں ہے اللہ

جسم میں جاں میں ہے اللہ لا اِلٰہ اِلا اللہ

کھل جائیں در جنت کے دوزخ کی سب آگ بجھے

دل سے کوئی اک بار کہے لا اِلٰہ اِلا اللہ

آپ کا قصیدۂ مدحیہ بہت مشہور و مقبول ہے۔ آپ کا کلامِ نعتیہ زبان زدِ خلائق ہے۔

دو جہاں میں ہے رواں سکہ رسول اللہ کا

دونوں عالم پڑھتے ہیں کلمہ رسول اللہ کا

آپ سلطان الرسل ہیں اور ختم الانبیا

کیا بیاں انساں سے ہو رُتبہ رسول اللہ کا

کلیات قادری

کلیات قادری کے تعارف کے لیے یہاں کلک کریں

وفات

بروز منگل ۱۸؍جمادی الاوّل۱۳۹۱ھ مطابق 13 جولائی 1971ء میں کراچی میں وصال ہوا۔ قادری مسجد سولجر بازار کراچی میں مدفون ہیں۔ نشترپارک کراچی میں آپ کی نمازِ جنازہ حضرت حافظ یوسف علی جے پوری المعروف عزیز پاکستانی، عزیز الاولیاء نے پڑھائی

مزید دیکھیے

شائق دہلوی | راقب قصوری | محسن کاکوروی | ادیب رائے پوری | ظہور الحق ظہور | غلام رسول قادری | عنبر شاہ وارثی

حواشی و حوالہ جات