سلسلۂ ہزار میرا رب ۔ کر شن کمار طورؔ

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

حمد ِربّ جلیل

سلسلۂ ہزار میرا رب

مرا پرور دگار میرا رب

زندگی کا حصار میرا رب

ہے خوشی کا دیار میرا رب

باعثِ تیرگی ہیں ہم سارے

روشنی کا نکھار میرا رب

اس کی شانِ کریمی حد سے پرے

موجب اعتبار میرا رب

وار دیں اس پہ سارے حرف ثنا

بے نشاں بے شمار میرارب

میری آنکھوں میں آنسو کیوں آئیں

جب کہ ہے غم گسار میرا رب

ہے وہ موجود سطحِ آب پہ طورؔ

حسن موج ہزار میرا رب

کرشن کمار طورؔ(ہماچل پردیش)

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ