سمایا ہے نگاہوں میں رخ انور پیمبر کا ۔ تبسّم، صوفی غلام مصطفی

شاعر: تبسّم، صوفی غلام مصطفی مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

سمایا ہے نگاہوں میں رُخِ انور پیمبر کا

اُٹھا دو جامِ جم ، لے جاؤ آئینہ سکندر کا

وہ جس کے دم قدم سے عظمتِ انسانیت اُبھری

چمک اُٹھا ستارہ نوعِ انساں کے مقدّر کا

عبودیّت میں جس کو تھا مقامِ عبدہ‘ حاصل

سعادت میں جسے رُتبہ ملا محبوبِ داور کا

وہ جس کی آنکھ نے نظّارۂ حق یوں کیا ، گویا

نظر کے رو برو تھا عکس اپنے روئے انور کا

وہ جس کے فقر کے آگے نگوں سر تھی شہنشاہی

وہ جس کے بوریے پر سر جھکافغفور و قیصر کا

یہ حُسنِ خلق، یہ لطفِ نظر ، یہ عفو ، یہ بخشش

خراماں جس طرح کیفِ رواں تسنیم و کوثر کا

وہ اِک آنسو جو اُس کی یاد میں آنکھوں سے ٹپکا ہے

وہی آنسو ستارہ ہے مِرے حُسنِ مقدر کا

تبسمؔ ! مجھ سے عاصی کا یہی بس اِک سہارا ہے

کہ میں ادنیٰ گدا ہوں سرورِ کونیں کے در کا

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی