میسر جن کو دید گنبد خضرا نہیں ہوتی ۔ حافظ لدھیانوی

شاعر: حافظ لدھیانوی

نعتِ رسولِ آخر صلی اللہ علیہ وآلہ وسلم

میسر جن کو دیدِ گنبدِ خضرا نہیں ہوتی

کبھی ان کی نگاہوں میں جلا پیدا نہیں ہوتی

حضوری میں ہر اک ساعت نیا عالم گزرتا ہے

جو دنیا دیکھتے آئے تھے وہ دنیا نہیں ہوتی

بقدرِ ظرف ہر اک کو یہاں خیرات ملتی ہے

یہاں کوئی تمیز بندہ وآقا نہیں ہوتی

دعا کے لفظ ہونٹوں سے بصد مشکل نکلتے ہیں

مواجہ پر ادب کی کیفیت کیا کیا نہیں ہوتی

خموشی گفتگو ہے، اشک غم ہو ترجمال دِل کا

مگر یہ بات بے سوزِ دروں پیدا نہیں ہوتی

نگاہوں کے لیے لازم ہے ادراکِ محبت بھی

بغیر اس کے کوئی بھی آنکھ ہو، بینا نہیں ہوتی

نہ جب تک خاص نسبت ہو شہنشاہِ دو عالم سے

حقیقت کوئی بھی دل کے اُفق پر، وا نہیں ہوتی

غلامِ سیدِ کونین کا کیا پوچھنا حافظ

کوئی عالم گزر جائے اُسے پروا نہیں ہوتی

تازہ انتخاب

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی