عشق رسول دل میں بسانا بھی نعت ہے ۔ سلیمان خمار

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

Suleman Khumar.jpg

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر : سلیمان خمار

نعتِ رسولِ کریم صلی اللہ علیہ وآلہ وسلم[ترمیم]

عشقِ رسول دل میں بسانا بھی نعت ہے

اوصافِ مصطفٰی کا سنانا بھی نعت ہے


طیبہ کی بچیوں کا شہِ دیں کی شان میں

رستوں پہ آ کے دف کا بجانا بھی نعت ہے


میدانِ کربلا میں پےء حُرمتِ رسول

ابنِ علی کا سر کو کٹانا بھی نعت ہے


عشقِ نبی میں ڈوب کے حضرت اویس کا

دندان کا دہن سے گرانا بھی نعت ہے


سرکارِ دوجہاں کے لئے غارِ ثور پر

مکڑی کا آ کے جالا بنانا بھی نعت ہے


سر دارِ انبیاء کی ولادت پہ منہ کے بل

سارے بتوں کا خود کو گرانا بھی نعت ہے


حکمِ رسولِ پاک کی تعمیل میں خُمار

سورج کا پھر سے لوٹ کے آنا بھی نعت ہے

مزید دیکھیے[ترمیم]

مئی 2018 میں زیادہ پڑھے جانے والے کلام