جب لیا نام نبی میں نے دعا سے پہلے ۔ مظہر الدین مظہر

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر: مظہر الدین مظہر

نعتِ رسولِ کریم صلی اللہ علیہ وآلہ وسلم[ترمیم]

جب لیا نام نبی میں نے دعا سے پہلے

میری آواز وہاں پہنچی صبا سے پہلے


کر نہ منزل کی طلب راہنما سے پہل

ذکرِ محبوب سنا، ذکرِ خدا سے پہلے


بے وضو پیار کے حلقے میں عبادت ہے حرام

خوب رو لیتا ہوں آقا کی ثنا سے پہلے


دمِ آخر مجھے آقا کی زیارت ہوگی

ایک دن آئیں گے سرکار قضا سے پہلے


حق سے کرتا ہوں دعا پڑھ کر محمد پہ درود

یہ وسیلہ بھی ضروری ہے دعا سے پہلے


ہم نے بھی اس درِ اقدس پہ جمائی ہے نظر

جس جگہ ملتا ہے منگتوں کو صدا سے پہلے


نعت میں کیف واثر کی ہے طلب تو مظہر

مانگ لے سوز درِ شاہِ ہدی سے پہلے

تازہ انتخاب[ترمیم]

زیادہ پڑھے جانے والے کلام