اپنے بھاگ جگانے والے کیسے ہوں گے ۔ ابوالامتیاز مسلم

شاعر: ابوالامتیاز مسلم

برائے : نعت رنگ ۔ شمارہ نمبر 26

نعتِ رسولِ آخر صلی اللہ علیہ وآلہ وسلم

اپنے بھاگ جگانے والے کیسے ہوں گے

اُن سے ہاتھ ملانے والے کیسے ہوں گے

نقشِ قدم میںچاند ستارے بکھرے ہیں

جادۂ عرش پہ جانے والے کیسے ہوں گے

چشمِ لطف سے ذرّے،سورج چاند ہوئے

راہوں میں بچھ جانے والے کیسے ہوں گے

اشک کے جگنو کالی شب کو نور کریں

دل میں دیے جلانے والے کیسے ہوں گے

بھینی بھینی خوشبو سے گھر مہکا ہے

شب کوخواب میں آنے والے کیسے ہوں گے

اک اک سانس میں سَو سَو بارفداِ ہونا

وہ گھر بار لٹانے والے کیسے ہوں گے

جن کے ناز اٹھانے پر ہو حق کو ناز

اُن کے نازاٹھانے والے کیسے ہوں گے

سِدرہ،رُوح القدس کی بھی حدِ پرواز

اُس سے آگے جانے والے کیسے ہوں گے

دردِ محبت دل میںرکھ کر کیا پھرنا!

درد میں جاں سے جانے والے کیسے ہوں گے

نعت وہی ہے مسلمؔ جو مقبول ہوئی

چادرِ خلعت پانے والے کیسے ہوں گے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی