ان کی خدمت میں عقیدت کے گہر بس اک بار ۔ شاہد اشرف

شاعر : شاہد اشرف

نعتِ رسولِ آخر صلی اللہ علیہ وآلہ وسلم

اُن کی خدمت میں عقیدت کے گہر بس اک بار

مجھ خطا کار کو توفیقِ ہنر بس اک بار

حوصلہ ٹوٹ گیا تھا مرا اک حادثے میں

جا پڑی گنبدِ خضرا پہ نظر بس اک بار

چند غنچے مرے سوکھے ہوئے گلشن کے لیے

اور پھیلی ہوئی شاخوں پہ ثمر بس اک بار

نہ رہا تیز ہواؤں میں ٹھکانہ جن کا

اُن پرندوں کی شہا خیر خبر بس اک بار

اے مرے پیارے نبی اور مرے پیارے خدا

مجھ گنہگار پہ رحمت کی نظر بس اک بار

سامنے سارے زمانے کے کھڑا ہوں تن کر

اُن کی چوکھٹ پہ جھکا ہے مرا سر بس اک بار

موت کا وقت مقرر ہے ہر اک کا شاہد

پیشتر اس سے مدینے کا سفر بس اک بار

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی