عجب شان سے جلوہ گر ہے مدینہ ۔ اسعد شاہجہاں پوری

شاعر: اسعد شاہجہاں پوری

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

عجب شان سے جلوہ گر ہے مدینہ

نظاروں کی حدِ نظر ہے مدینہ

نہ تشبیہ صادق ، نہ تمثیل برحق

بہشتوں کی نوعِ دِگر ہے مدینہ

ابھی جی تصور سے بہلا رہا ہوں

ابھی مستعارِ نظر ہے مدینہ

تڑپتی مرادو ! مچلتی اُمیدو !

ٹھہر جاؤ ! نزدیک تر ہے مدینہ

بہارِ نگارِ عرب دیکھتا ہوں

بساطِ نشاطِ نظر ہے مدینہ

وہ دورِ جہالت کی ظلمت پرستی

اُسی شب کی تاباں سحر ہے مدینہ

وہ تلخی نہیں تلخ لمحوں میں اسعدؔ !

عجب نامِ شیریں اثر ہے مدینہ

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی