اللہ رے تیرے در و دیوار,مدینہ ۔ اختر کچھوچھوی

شاعر : اختر کچھوچھوی

نعتِ رسولِ آخر صلی اللہ علیہ وآلہ وسلم

اللہ رے تیرے در و دیوار,مدینہ !

سر تابقدم سب ہیں پر انوار, مدینہ!

دنیا میں ہے تو رحمتِ باری کا وسیلہ

ہر دم یہ سمجھتے ہیں گنہگار, مدینہ!

ذرے ہیں ترے چرخ کے تابندہ ستارے

فردوس بھی ہے تیری طلبگار, مدینہ!

سینے پہ ترے نقشِ کفِ پائے نبی ہے

گودوں میں صداقت کے ہیں ابحار, مدینہ!

فردوس کا منظر نظر آئے اسے پھیکا

اک بار جو دیکھے ترا گلزار, مدینہ

آغوشِ محبت میں طلب گارِ سکوں ہے

مداح ترا اخترِ ناچار, مدینہ!

---

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی