کھلتے رستے جنگل صحرا جو کچھ ہے سب ان کا ہے ۔ یاور وارثی

شاعر: یاور وارثی

مطبوعہ : 2017 - بہترین نعت کی تلاش

کیٹگری : 1

کلام نمبر : 3

نعتِ رسولِ آخر صلی اللہ علیہ وآلہ وسلم

نعت مبارک

کُھلتے رستے جنگل صحرا جو ہے سب کچھ ان کا ہے

میل کا پتھر پیڑ کا سایہ جو ہے سب کچھ ان کا ہے

ساحل پر سر پھوڑتی موجیں مچھلی موتی مونگا سیپ

رنگ برنگے پتھر دریا جو ہے سب کچھ ان کا ہے

پانی پانی کرتی دھرتی پیاس کا عالم سوکھے ہونٹ

سبز مناظر بادل برکھا جو ہے سب کچھ ان کا ہے

حد نظر تک بہتا پانی رفتہ رفتہ اترتی رات

کشتی چپو مانجھی دریا جو ہے سب کچھ ان کا ہے

روتی آنکھیں بہتے آنسو ان کی باتیں ان کی یاد

چاند ستارے بزم تمنا جو ہے سب کچھ ان کا یے

وہ در وہ جنت کی کیاری ابرِ عطا کی وہ برسات

جالی سنہری گنبد خضرا جو ہے سب کچھ ان کا ہے

سبز لباسی صحن چمن کی کلیاں آنا شاخ بہ شاخ

روش روش پر پھول کا کھلنا جو ہے سب کچھ ان کا ہے

حشر کا میداں جوئے کوثر تاج شفاعت غلماں حور

باغ جنت شاخ طوبی جو ہے سب کچھ ان کا ہے

جس کو میرا گھر کہتے ہیں کیا چھت کیا در کیا دیوار

دہلیز آنگن بام دریچہ جو ہے سب کچھ ان کا ہے

یاور انہیں کے دست کرم نے بھر دئیے میرے سب کھلیان

کھیتی باڑی باغ بغیچہ جو ہے سب کچھ ان کا ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی