کھلاؤں مسکیں کو کھانا، سلام عام کروں ۔ ضیاء الدین نعیم

شاعر: ضیاء الدین نعیم

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

کھلاؤں مسکیں کو کھانا، سلام دعا کروں

نبی جوکرتے رہے ہیں وہی میں کام کروں

نبی کی پیروی میں ہے رب کی خوشنودی

نبی کی پیروی ہی میں سحر کوشام کروں

درشت لہجہ ، نہیں ہے حضور کی سنت

میں نرم لہجے میں ہرایک سے کلام کروں

کروں فروخت جو ناقص کوئی میں چیز اپنی

بن اس کا نقص بتائے،کھرے نہ دام کروں

ذخیرہ کرناہے اشیائے صرف کابھی گناہ

میں اپنے آپ پہ اس فعل کوحرام کروں

بس ایک جیسارہوں،دونہ ہوں مرے چہرے

غریب امیر کایکساں میں احترام کروں

خطا پہ ٹوکوں کسی کونہ میں سرمحفل

ضروری ہو بھی توتنہائی میں یہ کام کروں

کرے جو دوررسول خدا کے راستے سے

ہرایسے رزق کومیں دور سے سلام کروں

نہیں ہے ہم میں سے،لت ہے جسے ملاوٹ کی

نبی کاقول یہ میں،مومنوں میں عام کروں

چنوں میں دین کی بنیاد پر،شریک حیات

تصور اس کونہ پھراپنا میں غلام کروں

ہوجاہلوں سے بس اعراض ہی مرا شیوہ

الجھ کے ان سے نہ میں زندگی حرام کروں

نہ مجھ سے طیش میں بھی عدل ہونظرانداز

بلند سچ کاہی حال میں،میں نام کروں

خدا سے جوڑا ، مجھے آشنائے دین کیا

درود کانہ میں کیوں ان پہ التزام کروں

فلاح کی ہے یہی اور بس یہی صورت

نعیم،ان کی اطاعت میں گام گام کروں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی