مدحت شافع محشر پہ مقرر رکھا ۔ افتخار عارف

شاعر: افتخار عارف

نعتِ رسولِ آخر صلی اللہ علیہ وآلہ وسلم

مدحتِ شافعِ محشر پہ مقرر رکھا

میرے مالک نے مرے بخت کو یاور رکھا

میں نے خاک درِ حسّان کو سُرمہ جانا

اور ایک ایک سبق نعت کا اَزبر رکھا

میں نے قرآن کی تفسیر میں سیرت کو پڑھا

نور کو دائرہ نور کے اندر رکھا

نورِ مطلق نے اسے خلق کیا خلق سے قبل

معصب کار رسالت میں موخر رکھا

معنیِ اجرِ رسالت کو سمجھنے کے لیے

زیرِ نگرانی سلمان وابوذر رکھا

خاتمیت کا شرف آپ کو بخشا اور پھر

آپ کی دسترسِ خاص میں کوثر رکھا

جس کسی نے بھی کبھی شان میں گستاخی کی

ابد آباد تک اس شخص کو ابتر رکھا

تختی لکھی تو اسی نام سے آغاز کیا

جس کو معبود نے ہر نام سے اوپر رکھا

عمر بھر ٹھوکریں کھاتا نہ پھروں شہر بہ شہر

ایک ہی شہر میں اور ایک ہی در پر رکھا

۔۔۔۔۔۔۔۔۔۔۔۔۔۔۔۔

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی