شاہ طیبہ کا ثنا گر ہے زمانہ سارا ۔ انور مسعود

شاعر: انور مسعود

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

شاہِ طیبہ کا ثنا گر ہے زمانہ سارا

محوِ توصیفِ پیمبر ہے زمانہ سارا

بے تجلی نہیں اُس نور سے لمحہ کوئی

اسمِ احمد سے منور ہے زمانہ سارا

کیا حسیں پھول کھلا شاخِ بنی ہاشم پر

جس کی خوشبو سے معطر ہے زمانہ سارا

کس طرح اُس نے زمانے کو بدل ڈالاتھا

اُس زمانے پہ تو ششدر ہے زمانہ سارا

وہی آقا ،وہی سرور ہے زمانے بھر کا

اُسی مخدوم کا چاکر ہے زمانہ سارا

کیا ابد گیر ہے رُت اُس کی محبت والی

جس کے لمحے سے بھی کمتر ہے زمانہ سارا

ذاتِ پاک اُس کی ہے انورؔ ! وہ محیطِ اعظم

جس کی پہنائی کے اندر ہے زمانہ سارا

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی