سیم دیکھوں گا نہ زر دیکھوں گا ۔ عروس فاروقی
نعت کائنات سے
Jump to navigationJump to search
شاعر : عروس فاروقی
نعت ِ رسول ِ کریم صلی اللہ علیہ و آلہ وسلم[ترمیم | ماخذ میں ترمیم کریں]
سیم دیکھوں گا نہ زر دیکھوں گا
وہ جدھر ہونگے اُدھر دیکھوں گا
کیا نگاہ اُن سے ملا پائوں گا
جب انھیں پیشِ نظر دیکھوں گا
میں نے پائی ہے بصارت حق سے
میں انھیں خیرِ بشر دیکھوں گا
اور کچھ دیکھا نہ دیکھا میں نے
جانبِ طیبہ مگر دیکھوں گا
آئے گا اُن کا بلاوا اِک دن
ایک روز اُن کا نگر دیکھوں گا
ہے یقیں مجھ کو عروس ان کے طفیل
اپنی آہوں میں اثر دیکھوں گا
