زہے مقدر حضور حق سے سلام آیا پیام آیا ۔ یوسف قدیری

شاعر : یوسف قدیری

نعت رسول اللہ صل اعلی علیہ و سلم

زہے مقدر حضور حق سے سلام آیا ، پیام آیا قاری وحید ظفر

جھکاؤ نظریں ، بچھاؤ پلکیں ، ادب کا اعلیٰ مقام آیا

یہ کون سر سے کفن لپیٹے ، چلا ہے الفت کے راستے پر

فرشتے حیرت سے تک رہے ہیں یہ کون ذی احترام آیا

فضا میں لبیک کی صدائیں ، ز فرش تا عرش گونجتی ہیں

ہر ایک قربان ہو رہا ہے ، زباں پہ یہ کس کا نام آیا

یہ راہ حق ہے سنبھل کے چلنا ، یہاں ہے منزل قدم قدم پر

پہنچنا در پر تو کہنا آقا ، سلام لیجیے غلام آیا

یہ کہنا آقا بہت سے عاشق تڑپتے سے چھوڑ آیا ہوں میں

بلاوے کے منتظر ہیں ، لیکن نہ صبح آیا ، نہ شام آیا

دعا جو نکلی تھی دل سے آخر ، پلٹ کے مقبول ہو کے آئی

وہ جذبہ جس میں تڑپ تھی سچی ، وہ جذبہ آخر کو کام آیا

خدا تیرا حافظ و نگہباں ، او راہ بطحا کے جانے والے

نوید صد انبساط بن کر پیام دارالسلام آیا

زہے مقدر حضور حق سے سلام آیا ، پیام آیا

جھکاؤ نظریں ، بچھاؤ پلکیں ، ادب کا اعلیٰ مقام آیا

نعت خوانوں میں کلام کی پذیرائی

| قاری وحید ظفر کی آواز میں

| اویس رضا قادری کی آواز میں

| حافظ طاہر قادری کی آواز میں

مزید دیکھیے

یوسف قدیری