دیدار کیا کرتا ہر آن محمد کا ۔ محمد شفیق اعوان

شاعر: محمد شفیق اعوان

برائے : نعت رنگ ۔ شمارہ نمبر 26

نعتِ رسولِ آخر صلی اللہ علیہ وآلہ وسلم

دیدار کیا کرتا ہر آن محمد کا

اے کاش کے میں ہوتا دربان محمد کا

دنیا کے اندھیروں سے آقا نے نکالا ہے!

میں بھول نہیں سکتا احسان محمد کا!

اُس شمع ہدایت سے ملتی ہے ضیا سب کو

جاری ہے مدینے میں فیضان محمد کا

ناز اپنے مقدر پہ دن رات وہ کرتاہے

بن جاتا ہے جب کوئی مہمان محمد کا

ادراک سے اونچی ہے عظمت مرے آقا کی

پوچھو نہ کبھی مجھ سے ایمان محمد کا

ہربات شفیقؔ اُن کی پُہنچاؤں گا میں سب تک

پیارا ہے مجھے جاں سے فرمان محمد کا

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی