خود کو جو حق کی محبت میں مٹا دیتا ہے ۔ تفاخر محمود

شاعر : تفاخر محمود

حمد ِ باری تعالی

خود کو جو حق کی محبت میں مٹا دیتا ہے

اس کے ہاتھوں میں خدا ارض وسما دیتا ہے

شرک کی آگ جو سینے سے بجھا دیتا ہے

اس کا دل ظلمتِ شب میں بھی ضیا دیتا ہے

میں کہ اس خالقِ کونین کے در کا ہوں فقیر

جو فقیروں کو شہنشاہ بنا دیتا ہے

اس کی اس نعمتِ عظمیٰ کو بیاں کیسے کروں

سانس لینے کو جو ہر وقت ہوا دیتا ہے

جو بھی سہتا ہے علامت کو شکیبائی سے

ایسے بیما کو اللہ شفا دیتا ہے

یہ تو ہم کہ جو جاتے ہی نہیں اس کے قریب

وہ تو ہر وقت ہی بخشش کی صدا دیتا ہے

جو بھی ہو جاتا ہے اس ذات کا، اللہ اسے

اپنے دیدار کی صورت میں صلہ دیتا ہے

شکر میں اس کا تفاخر نہ کروں کیسے ادا

مجھ کو عزّت جو محافل جدا دیتا ہے

نعتِ رسولِ مقبول

جسے نبیِ مکرم سے پیار ہوتا ہے

خداکے پیاروں میں اُس کا شمار ہوتا ہے

حضور سرورِ عالم کے نام کے صدقے

دلِ حزیں مرا رشکِ بہار ہوتا ہے

جہان اُن پہ نچھاور ہے ہر گھڑی جن کو

نصیب عشقِ محمد میں دار ہوتا ہے

خیال میں کھچی آتی ہے وادیِ بطحا

جب اک ذرا مرا دل بے قرار ہوتا ہے

فقط خدا کو جو مانے نبی کو نہ مانے

مقام اُس کا تو دار البوار ہوتا ہے

جو مانتے ہی نہیں وہ بھی مان جائیں گے

نبی کے ذکر سے حاصل قرار ہوتا ہے

تمھاری یاد تفاخرؔ کو تھام لیتی ہے

غموں کے بوجھ سے جب دل پہ بار ہوتا ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی