تجھ سے ہے بہار ِ جان ِ عالم ۔ سرو سہارنپوری
نعت کائنات سے
نظرثانی بتاریخ 10:34، 8 مارچ 2017ء از Admin (تبادلۂ خیال | شراکتیں) (نیا صفحہ: {{بسم اللہ }} شاعر: سرو سہارنپوری === نعتِ رسول ِ کریم صلی اللہ علیہ و آلہ وسلم === تجھ سے ہے بہار جا...)
شاعر: سرو سہارنپوری
نعتِ رسول ِ کریم صلی اللہ علیہ و آلہ وسلم
تجھ سے ہے بہار جانِ عالم
اے چارہء بے کسان ِ عالم
تو اصلِ بنائے خلق ٹھہرا
تو عز و وقار و شان ِ عالم
سدرہ ترے خادموں کا مسکن
اے خواجہ ءِ خواجگان ِ عالم
مہکی نہ تھی بوئےخلق جب تک
ویران تھا گلستان ِ عالم
جب تک رے ذکر سے تہی تھا
بے رنگ تھی داستان ِ عالم
تارے ترے ہمرکاب ِ آئے
اے صاحب ِ کاروان ِ عالم
قطرے ترے فیض سے سمندر
اے منعم و مہربان ِ عالم
ذرے ترا نام لے کے اٹھے
اور بن کے گے کہکشان ِ عالم
اک تیری نظر سے ہو گئے ہیں
بے نام و نشاں ، نشان ِ عالم
در پر ترے آ کے جھک گئے ہیں
کیا کیا سر سر کشان ِ عالم
بھٹکے گا شعور مدتوں تک
معراج ہے امتحان ِ عالم