ان کے الطاف کے بعد، ان کی عطا سے پہلے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعتِ رسولِ آخر صلی اللہ علیہ وآلہ وسلم

نہ کوئی دل سا غنی ہے، نہ کوئی دل سا فقیر

ان کے الطاف کے بعد، ان کی عطا سے پہلے

قلبِ صدیق و عمر، سینہ عثمان و علی

چمنِ عشق ہیں ایجادِ صبا سے پہلے

دل نے سو بار سنی غیب سے آوازِ قبول

ایک بس ایک فقط ایک دعا سے پہلے

کچھ نہیں مانگتے ہم رب محمد کی قسم

ان پہ تسلیم کے بعد، ان کی ثناء سے پہلے

دعوِی عشقِ رسالت میں نہ جلدی کیجے

اس کی توثیق تو ہو خوفِ خدا سے پہلے

کچھ نہ تھے انفس و آفاق، زمین و افلاک

ان کے نور، ان کے ظہور، ان کی ضیاء سے پہلے

کچھ نہیں ہاں بخدا کچھ بھی نہیں دیدہ و دل

ان کے دیدار سے قبل، ان کی لقا سے پہلے

عازمِ طیبہ پہ لازم ہے کہ آدابِ سفر

پوچھ کہ نکلے کسی مردِ خدا سے پہلے

دیکھا جاتا ہے وہاں دیدہ تر، قلبِ سلیم

ریش و سجادہ و دستار و قبا سے پہلے

ہوسِ جاہ کہاں، عشق شہنشاہ کہاں

سینہ خالی تو کرو کبر و ریا سے پہلے

دشتِ پر خارِ محبت میں قدم رکھتے وقت

پوچھ ہی لیتے کسی آبلہ پا سے پہلے

دل میں اک مہرِ جہاں تاب ہے جو بہرِ طلوع

اذن لیتا ہے شہِ ارض و سما سے پہلے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی