زباں پر اے خوشا صلی علی یہ کس کا نام آیا ۔ حفیظ جالندھری

شاعر : حفیظ جالندھری

نعتِ رسولِ آخر صلی اللہ علیہ وآلہ وسلم

زباں پر اے خوشا صل علی یہ کس کا نام آیا

کہ میرے نام جبریل امیں لے کر سلام آیا

محمدﷺ جان عالم ، فخر عالم، ھادی اکرم

امام الانبیاء خیر البشر پیغمبر اعظم

محمدﷺ وہ جمال اولیں وہ پیکر نوری

محمدﷺ کاشف سر ظہور و رمز مستوری

محمدﷺ صاحب خلق عظیم و ناشر حکمت

محمدﷺ مصدر فیض عمیم و شافع امت

بہ صورت نور سبحانی بہ معنی ظل رحمانی

نشان حجت حق مظہر تائید ربانی

وہ جس کو فاتح ابواب اسرار قدم لکھئے

بنائے عرش و کرسی باعث لوح و قلم لکھئے

علی الاعلان سر کنت کنزا مخفیا کہیئے

مگر اس کی شریعت کا ادب مائع ہے کیا کہیئے

مزید دیکھیے

منتخب شاعری