نہیں کائنات میں دوسرا وہ کلیم ہو کہ خلیل ہو ۔ ازہر درانی

شاعر: ازہر درانی

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

نہیں کائنات میں دوسرا وہ کلیم ہو کہ خلیل ہو

جو حبیبِ ربِّ جمیل ہو ، جو مِرے نبی کا مثیل ہو

مِری سانس سانس میں ہے رچی ، ترے ذکر و فکر کی چاشنی

تِرا مقتدی ہوں میں اے نبی ، مِری روح کیسے علیل ہو

نہیں غم ، کہ سیرتِ مصطفی ، ہے قدم قدم مِری رہنما

مِری زندگانی کا راستہ ، رہے مختصر ، کہ طویل ہو

تِری خوش نوائی کی خیر ہو ، جو زمیں پہ کوثرِ خلد تھی

ہوئیں سیر خلقتیں اس طرح ، تِرا لحن جیسے سبیل ہو

مِرا نام جائے جہاں جہاں ، تِرا ذکر آئے وہاں وہاں

مِری ذات یوں شہِ دوسرا ، تِری روشنی کی دلیل ہو

کرے شاعری مگر اے نبی ! تِری نعت جو نہ کہے کبھی

کوئی ایسا بھی نہ ہو کم سخن ، کوئی ایسا بھی نہ بخیل ہو

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی