ہے بلندی کا نشاں ، نعلینِ اقدس آپ کی ۔ کوثر نقوی

شاعر: کوثر نقوی

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

ہے بلندی کا نشاں ، نعلینِ اقدس آپ کی

چومتاہے آسماں ، نعلینِ اقدس آپ کی

اُس زمیں کو دیکھتے ہیں رشک سے اہل فلک

رکھی جاتی ہے جہاں ، نعلینِ اقدس آپ کی

کیوں نہ ہم چشمِ تصّور سے کریں اس کا طواف

لوحِ دل پرہے عیاں ، نعلینِ اقدس آپ کی

چودھویں کا چاند بھی ، ویسا سماں دیتا نہیں

جیسا دیتی ہے سماں ، نعلینِ اقدس آپ کی

پھر اُسے رہتی نہیں ہے ، اور زینت کی تلاش

کرلے جو زیبِ مکاں ، نعلینِ اقدس آپ کی

رفعت نعلین موسیٰ ، اُس کے آگے کچھ نہیں

جس بلندی پر ہے ، نعلینِ اقدس آپ کی

ہم زمیں والے توپھر،خاکی ہیں اے آقائے کُل

ہے چراغِ قُدسیاں ، نعلینِ اقدس آپ کی

آپ کے پیروں میںیہ ، عرشِ الہٰی تک گئی

کون پہنچا ، ہے نعلینِ اقدس آپ کی

ہر لُغت کے لفظ، ناکافی ہیں اس کے واسطے

ہو نہیں سکتی بیاں ، نعلینِ اقدس آپ کی

ہے دعا کوثر کی ، جب خورشیدِمحشر سرپہ ہو

ہو مسلسل سائباں ، نعلینِ اقدس آپ کی

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی