یہ کیفیت جو مری بے خودی کی ہے ۔ سوزڈیروی

شاعر: سوزڈیروی

نعتِ رسولِ آخر صلی اللہ علیہ وآلہ وسلم

یہ کیفیت جو مری بے خودی کی ہے <ref> ڈاکڑ شہزاد احمد، ایک سو ایک پاکستانی نعت گو شعرا، رنگ ادب پبلی کیشنز، کراچی ۔ 2017</ref>

اک انبساط ثنائے محمدی کی ہے

مرے رسول کا احساں ہے ساری دنیا پر

مرے رسول نے دنیا کی رہبری کی ہے

کسی کے دل میں مقامِ رسول کتنا ہے

یہ بات تو ادراک وآگہی کی ہے

وفا بھی آپ کی معراج پر ہے پیارے رسول

کہ راہِ حق میں ہر اک طرح کی سعی کی ہے

کروں گا کیا بھلا دنیا کو لے کے میں آقا

مجھے تو آرزو بس آپ کی گلی کی ہے

رسولِ پاک کی الفت کا جام پینے دے

نمو اسی سے تو زاہد یہ زندگی کی ہے

یوں احترامِ صحابہ بھی ہم پہ لازم ہے

مرے نبی سے صحابہ نے دوستی کی ہے

بروزِ حشر شفاعت نصیب ہوگی سوز

برائے مدحتِ آقا سخنوری کی ہے