جمالِ دو عالم تری ذاتِ عالی​ ۔ رانا بھگوان داس

شاعر: رانا بھگوان داس

نعت ِ رسول ِ کریم صلی اللہ علیہ وآلہ وسلم

جمالِ دو عالم تری ذاتِ عالی​

دو عالم کی رونق تری خوش جمالی​

خدا کا جو نائب ہوا ہے یہ انسان​

یہ سب کچھ ہے تری ستودہ خصالی ​

تو فیاضِ عالم ہے دانائے اعظم​

مبارک ترے در کا ہر اِک سوالی​

نگاہِ کرم ہو نواسوں کا صدقہ​

ترے در پہ آیا ہوں بن کے سوالی ​

میں جلوے کا طالب ہوں ، اے جان عالم!​

دکھادے ،دکھادے وہ شانِ جمالی ​

ترے آستانہ پہ میں جان دوں گا ​

نہ جاوٗں ، نہ جاوٗں ، نہ جاوٗں گا خالی ​

تجھے واسطہ حضرتِ فاطمہ کا​

میری لاج رکھ لے دو عالم کے والی ​

نہ مایوس ہونا ہے یہ کہتا ہے بھگوان ​

کہ جودِ محمد ہے سب سے نرالی ​ ​ ٓ

مزید دیکھیے

رانا بھگوان داس | رگھوپتی سہائے | دلو رام کوثری | عرش ملیسانی |