آپ «مطافِ حرف از '''محمد انیس حیدر حسینی'''» میں ترمیم کر رہے ہیں

دورِ حاضر کے وہ منتخب افراد جو واقعتا ناعت ہیں، جن پر سوہنے نے خصوصی عطا کی اور انہیں جہاں مقبولیت سے نوازا  وہاں قبولیت سے بھی بہرہ مند کیا اور جن کے کلام صرف اوراق پر مرقوم نہی ہوئے بلکہ وہ قاری و سامع کے قلوب و اذہان پر منقوش نظر آتے ہیں ان میں ایک معتبر اور ممتاز نام [[سید مقصود علی شاہ]] جی کا ہے

شعراء کے نزدیک دوسرے شعرا کی شاعری  کی پسندیدگی کا معیار رموز و بحور، بندش قافیہ و ردیف اور دیگر شعری لوازمات ہوتے ہیں لیکن میرے جیسے افراد کیلیے تو وہ کلام پسندیدہ ہوتا ہے جو تخیل کو  باوقار کرنے، الفاظ کو معطر کرنے اور کیفیات کو بارگاہِ ممدوح میں باریاب کرنے کی قوت رکھتا ہو اور قبلہ شاہ جی کے کلام بیک وقت شعراء کی پسندیدگی کے بھی حامل ہے اور عوام الناس کے دلوں میں بھی گھر کرجانے والے ہیں کچھ ہی ایام قبل آپ کی کتاب [["مطافِ حرف" ]] شائع ہوئی  

مطاف حرف آپ کی نعتوں کا مجموعہ ہے یہ ایسی نعتیں ہے کہ جن کے حرف حرف سے عشقِ رسالتمآب بھی جھلکتا ہے اور شہرِ حبیب کی تڑپ بھی معلوم ہوتی ہے

یہ مجموعہ کلام شاہ جی کے تخیلات، کیفیات اور قلبی واردات کا غماز ہے خود پہ ہونے والی عطا کا تذکرہ یوں کرتے ہیں  

اس میں مرکز و محورِ عشاق مسکنِ محبوبِ کریم صلی اللہ علیہ وسلم "مدینة الرسول" کا تذکرہ قاری کو اس مقدس مقام کی عظمتوں سے بھی آگاہ کرتا ہے اور شاہ جی کی وارفتگی پر بھی دال ہے

شاہ جی کے کلام کو رب کریم نے جس سلاست، مٹھاس، ندرت، گہرائی، گیرائی، تاثیر، کشش اور ربط سے نواز رکھا ہے اس کا احاطہ کرنا میرے جیسے کم علم کے بس میں نہی مالک کریم اور اس کا حبیبِ کریم اپنی مہربانیوں اور نوازشوں کا سلسلہ آپ پر قائم رکھے اور آپ کی اس کتاب"مطافِ حرف" کو مطاف عشاقاں بنائے.