یہ ناز یہ انداز ہمارے نہیں ہوتے ۔ خالد محمود خالد

شاعر: خالد محمود خالد

نعتِ رسولِ آخر صلی اللہ علیہ وآلہ وسلم

یہ ناز یہ انداز ہمارے نہیں ہوتے

دامن میں اگر ٹکڑے تمہارے نہیں ہوتے ﷺ

ملتی نہ اگر بھیگ حضور آپ کے در سے ﷺ

اس ٹھاٹ سے منگتوں کے گزارے نہیں ہوتے

بے دام ہی بکِ جائیں گے دربارِ نبی میں ﷺ

اس طرح کے سودے میں خسارے نہیں ہوتے

ہم جیسے نکموں کو گلے کون لگاتا

سرکار اگر آپ ہمارے نہیں ہوتے ﷺ

وہ چاہیں بلالیں جسے یہ ان کا کرم ہے ﷺ

بے اذِن مدینے کے نظارے نہیں ہوتے

خالد یہ تقدس ہے فقط نعت کا ورنہ ﷺ

محشر میں ترے وارے نیارے نہیں ہوتے