نگر سونا مرے دل کا بسائیں یا رسول اللہ ۔ صدیق اللہ ظفر

"نعت کائنات" سے
This is the approved revision of this page, as well as being the most recent.
:چھلانگ بطرف رہنمائی, تلاش

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

شاعر: صدیق اللہ ظفر

نعتِ رسولِ کریم صلی اللہ علیہ وآلہ وسلم[ترمیم]

نگر سونا مرے دل کا بسائیں یا رسول اللہ

مرے دل میں کبھی تشریف لائیں یا رسول اللہ


سلاطین زماں سے سر اٹھا کر بات کرلوں گا

مجھے قدموں میں گر اپنے بٹھائیں یا رسول اللہ


جھلک عشاق کو سرکار اک لمحہ بھی دکھلا دیں

ابد تک اہلِ دل خوشیاں منائیں یا رسول اللہ


تِری سرکار عالی ہے تِرا دربار عالی ہے

تِرے در سے زمانے فیض پائیں یا رسول اللہ


جو عاشق دور ہیں، مہجورہیں، مجبور وبے بس ہیں

وہ محرومِ تمنّا رہ نہ جائیں یا رسول اللہ


مرا وقت سفر ہے آپ کی ہیں منتظر آنکھیں

خدارا! اب تو آئیں، اب تو آئیں یا رسول اللہ


سگِ در ہے ظفر جیسا بھی ہے آقا تمہارا ہے

اسے در سے خدارا نہ اٹھائیں یا رسول اللہ