قول تنقید سے بالا اُنؐؐ کا ۔ رئیس احمد نعمانی

قول تنقید سے بالا اُنؐؐ کا

حرفِ آخر ہے حوالہ اُنؐؐ کا

نام انؐ کاہے جہاں میں روشن

چاروں جانب ہے اجالا اُنؐ کا

وصفِ رخ ان ؐ کا بیاں ہوکس سے

رنگ تھا دیکھنے والا انؐ کا

جگ میں سیرت ہے مثالی انؐ کی

سب سے اُسوہ ہے نرالا ان ؐ کا

لشکرِ دیں کے وہیؐ ہیں سالار

فوجیں انؐ کی ہیں،رسالہ انؐ کا

ان ؐ کو محبوب ہے بس حسنِ عمل

ماہ رو انؐ کاہے،کالاانؐ کا

زیست سے اس کی نحوست نہ ٹلی

حکم جس شخص نے ٹالا انؐ کا

خلد میں جائے گا انؐ کے ہمراہ

جوبھی ہے چاہنے والا ان ؐ کا

ساری مخلوقِ الٰہی میں رئیس

مرتبہ سب سے ہے اعلیٰ انؐ کا

فہرست رہنمائی