دائمی کامل شریعت ہے شہہِ ابرار کی
نعت کائنات سے
Jump to navigationJump to search
شاعر: انس نبیل
نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]
دائمی کامل شریعت ہے شہہِ ابرار کی
آخری یعنی نبوت ہے شہہِ ابرار کی
ان کے احسانات کی انسانیت مقروض ہے
"نعمتِ کبریٰ ولادت ہے شہہِ ابرار کی
سیرتِ سرکار ہے تفسیرِ قرآں مستند
اور قرآں پاک، سیرت ہے شہہِ ابرار کی
بن گئیں ظلم و تشدد کا نشانہ ہر جگہ
بیٹیوں کو پھر ضرورت ہے شہہِ ابرار کی
کفر کے اور شرک کے سارے اندھیرے مٹ گئے
نور کا اتمام بعثت ہے شہہ ابرار کی
