تاجدار حرم اے شہنشاہ دیں ۔ الیاس عطار قادری

شاعر: الیاس عطار قادری

نعتِ رسولِ آخر صلی اللہ علیہ وآلہ وسلم

تاجدارِ حرم اے شہنشاہِ دِیں

تم پہ ہر دم کروڑوں درود وسلام

ہو نگاہِ کرم مجھ پہ سلطان دِیں

تم پہ ہر دم کروڑوں درود وسلام

دُور رہ کر نہ دم ٹوٹ جائے کہیں

کاش طیبہ میں اے میرے ماہِ مبیں

دفن ہونے کو مل جائے دو گز زمیں

تم پہ ہر دم کروڑوں درود وسلام

کوئی حسن عمل پاس میرے نہیں

پھنس نہ جاوؔں قیامت میں مولیٰ کہیں

اے شفیعِ اُمم لاج رکھنا تمہیں

تم پہ ہر دم کروڑوں درود وسلام

دونوں عالم میں کوئی بھی تم سا نہیں

سب حسینوں سے بڑھ کر تمہیں ہو حسیں

قاسمِ زرقِ ربّ العلیٰ ہو تمہیں

تم پہ ہر دم کروڑوں درود وسلام